ads
कृष्णनगर, ६ साउन ।
कपिलवस्तुको कृष्णनगर नगरपालिका-१० बकौलीस्थित सार्वजनिक जग्गामा उम्रिएको गाँजा प्रहरीले नष्ट गरेको छ ।
इलाका प्रहरी कार्यालय गणेशपुरबाट खटिएको प्रहरी टोलीले करिब १ कट्ठा सार्वजनिक जग्गामा अवैध रूपमा उम्रिएको गाँजाखेती फेला पारी नष्ट गरेको हो ।
प्रहरीका अनुसार लागूऔषध नियन्त्रण तथा अवैध गाँजा खेती निरुत्साहित गर्ने अभियान अन्तर्गत उक्त गाँजा नष्ट गरिएको हो । सार्वजनिक जग्गामा कसले गाँजा रोपेको भन्ने विषयमा आवश्यक अनुसन्धान भइरहेको प्रहरीले जनाएको छ ।
प्रहरीले जिल्लाभर अवैध रूपमा गाँजा खेती तथा लागूऔषधजन्य गतिविधिविरुद्ध निगरानी र कारवाहीलाई निरन्तरता दिइने गणेशपुरका प्रहरी निरीक्षक महेश कुमार आचार्यले जनाए ।
ads
